Konsumi i shpeshtë i produkteve të përpunuara të mishit rrit gjasat për zhvillimin e sëmundjeve të zemrës, por efekt të tillë nuk ka mishi i freskët.
Të dhënat e mbledhura nga miliona persona të eksperimentuar nga 10 vende, bëjnë të ditur se konsumimi ditor i rreth 50 gram mishi të përpunuar rrit deri në 42% gjasat për të vuajtur nga sëmundjet e zemrës dhe 19% për t’u prekur nga diabeti.
Në studimin e botuar në revistën shkencore ‘Circulation’, shkencëtarët kanë arritur në përfundim se efekti negativ i mishrave të përpunuara vjen kryesisht nga përqendrimi i lartë i kripës dhe konzervansëve, të cilët mungojnë te mishi i freskët.
Edhe një varg studimesh të mëhershme e kanë lidhur konsumimin e lartë të kripërave me rrezikun më të lartë për paraqitjen e presionit të rritur të gjakut, faktorit kyç për sëmundjet e zemrës.
