Konsumatoret e alkoolit ne vendin tone po rriten nga dita ne dite. Ne grupin e pijetareve po shtohen edhe pijedashesit e moshave te reja, qe nisin te nxisin kete ves qe ne adoleshence. Sipas te dhenave dhe statistikave, alkooli eshte nje nga substancat me te perdorura ne listen e produkteve psikoaktive, te demshme per shendetin. “Alkooli, pavaresisht nga çrregullimet serioze shendetesore dhe psikosociale te derivuara nga abuzimi i tij, edhe ne vendin tone perben substancen psikoaktive me te perhapura ne krahasim me substancat e tjera psikoaktive”, sqarohet ne analizen e Institutit te Shendetit Publik, ne analizen raportuese te situates se alkoolit ne vendin tone.
Deri tani, te alkoolizuarit ne vendin tone jane trajtuar disa te mjeku i stomakut, te tjere te mjeku i melçise. Pas tre vitesh diskutimi eshte arritur qe te ngrihet nje repart i veçante, ku do te trajtohen te varurit nga alkooli. Madje per here te pare ka nisur edhe taktika e te folurit ne grup, njesoj siç procedohet edhe ne qendrat e specializuara ne spitalet perendimore.
